ევროკავშირში საქართველოს გაწევრიანების საკითხი ამჟამად შეჩერებულია – ელჩი ჰერჩინსკი

0
58

“უცხოური გავლენის გამჭვირვალობის” კანონის მიღების გამო ამ ეტაპზე შეჩერებულია ევროკავშირში საქართველოს გაწევრიანების საკითხი”, – ამის შესახებ ევროკავშირის ელჩმა პაველ ჰერჩინსკიმ განაცხადა.

“სამწუხაროდ, საქართველოს ევროკავშირში გაწევრიანების პროცესი ამჟამად გაჩერებულია – ეს ევროკავშირის ლიდერებმა ევროპული საბჭოს ბოლო სხდომაზე გადაწყვიტეს. ევროკავშირმა შეაჩერა საქართველოსთვის მხარდაჭერა ევროპული სამშვიდობო ფონდიდან (EPF) – 30 მილიონი ევროს ოდენობით 2024 წლისთვის. სიტუაციის შემდგომი გაუარესების შემთხვევაში განიხილება სხვა ზომების მიღებაც.

დასანანია იმის ნახვა, რომ ევროკავშირი-საქართველოს ურთიერთობები ასეთ დაბალ ნიშნულზეა, როდესაც შეიძლებოდა რეკორდულად მაღალ ნიშნულზე ყოფილიყო”, – ამბობს ელჩი ჰერჩინსკი.

ამასთან, ელჩის თქმით, ევროკავშირმა საქართველოს თავდაცვის სფეროს მხარდასაჭერად გამოყოფილი 30 მილიონი ევრო გაყინა.

წინა სტატიაკიევში გლოვის დღეა: 27 დაღუპულიდან 4 ბავშვია, დაიჭრა 117 მოქალაქე
შემდეგი სტატიაEU-მ საქართველოს თავდაცვის სფეროს მხარდასაჭერად გამოყოფილი 30 მილიონი ევრო გაყინა -ჰერჩინსკი
ტელეკომპანია ოდიშის საინფორმაციო სამსახური