თბილისსა და საქართველოს უმეტეს რეგიონებში გუშინ ღამით, რამდენიმე საათის განმავლობაში ძლიერი წვიმა და ელჭექი, ზოგან ქარი იყო.
ვარკეთილში რამდენიმე საცხოვრებელ კორპუსს სახურავი ახადა ძლიერმა ქარმა, მოგლიჯა ხეებიც, მასივში ზოგან არ იყო წყალი და გაზი. ვაზისუბანში მშენებარე კორპუსებიდან გადმოცვენილი სამშენებლო მასალები რამდენიმე მანქანას დაეცა, შემთხვევის შედეგად არავინ დაზიანებულა.
ასევე ვაზისუბანში, მეხი დაეცა სავარაუდოდ, ხეს. დაზარალებულთა შესახებ ცნობები არ გავრცელებულა, შემთხვევა ვიდეოკადრშიც მოხვდა.
ხანძარი გაჩნდა ჩუღურეთში, ე.წ. მალაკნებზე, ჩიტაიას 33 ნომერში, მისი ლიკვიდირება მალევე მოხერხდა.
წვიმდა რეგიონებშიც, მათ შორის, იმერეთსა და სამეგრელოში.