“თქვენ რომ ყრუები, ბრმები და ივანიშვილის მონები არ იყოთ, უნდა გესმოდეთ ასი ათასობით მოქალაქის ხმა” – წითლიძე “ოცნებას”

0
43

პატივია ყველა მოქნეული ხელი რეჟიმის მხრიდან საქართველოს ევროპული მომავლისთვის ბრძოლაში – განაცხადა ენმ-ის დეპუტატმა ანი წითლიძემ პარლამენტის პლენარულ სხდომაზე სიტყვით გამოსვლისას და სოლიდარობა გამოუცხადა აქციებზე დაკავებულ და ნაცემ ახალგაზრდებს, შემდეგ კი “ოცნების” წევრებს მიმართა და რეჟიმი უწოდა:

“თქვენ რომ ყრუები და ბრმები არ იყოთ, უნდა გესმოდეთ 100 ათასობით საქართველოს მოქალაქის ხმა, თქვენ რომ ივანიშვილის მონები არ იყოთ, როდის გინახავთ ამდენი სტუდენტი ქუჩაში, როდის გინახავთ ამდენი გამოსული სკოლის მოსწავლე ქუჩაში, როდის გინახავთ ამდენი პროფესორ-მასწავლებელი ქუჩაში, როდის გინახავთ ასეთი ერთიანი, ასეთი შეკრული საქართველო ევროპული მომავლისთვის ბრძოლაში? დღეს არა რუსულ კანონს უდრის, არა რუსულ რეჟიმს. თქვენ ხართ ლეგიტიმაციადაკარგული ხელისუფლება, თქვენ ხართ რეჟიმი, რომელიც თვალში დამიზნებით ესვრის ახალგაზრდებს, თქვენ ხართ ხელისუფლება, რომელმაც თმებით ათრიეთ ქალი და რომელ ქართველობაზე უნდა გველაპარაკოთ. თქვენ ხართ ხელისუფლება, რომელიც ბავშვებს ურეკავთ, აშინებთ და აგინებთ, თქვენ ხართ რეჟიმი რომელიც სახლში უვარდებით ოპოზიციის ლიდერებს, სცემთ ახალგაზრდებს” განაცხადა წითლიძემ.

დეპუტატმა იმ რობოკოპებსაც მიმართა, რომლებიც მშვიდობიან დემონსტრანტებს არბევენ:

“ვის იცავთ? იცავთ რუსულ რეჟიმს, იცავთ ამ მშიშარა ადამიანებს, რომლებიც პარლამენტიდან სახლამდე ვერ მისულან და ეს რეჟიმი გაიძულებთ თქვენ საქართველოს მოქალაქეები სცემონ” აღნიშნა სიტყვით გამოსვლისას წითლიძემ

წინა სტატიასხვისი არავისი არის, საქართველო არის შენი – ზუგდიდში რუსული კანონის წინაღმდეგ აქცია დღესაც გაიმართება
შემდეგი სტატიასახალხო დამცველი რუსულ კანონთან დაკავშირებით განცხადებას ავრცელებს
ტელეკომპანია ოდიშის საინფორმაციო სამსახური