საქართველოს მესამე პრეზიდენტი, მიხეილ სააკაშვილი ამბობს, რომ უცხოეთში მყოფმა ქართველებმა აქციები უნდა გამართონ საქართველოს საელჩოებთან დამატებითი საარჩევნო უბნების გახსნის მოთხოვნით. მისი განცხადებით, შედეგის მისაღწევად საქართველოში ყველა პოლიტიკურმა ძალამ და აქტივისტმა ძალები უნდა გააერთიანოს.
“უცხოეთში მცხოვრები თანამემამულეებისთვის დამატებითი უბნების გახსნის საკითხს მთლიანად ვუჭერ მხარს. ჩვენ დიდი ხანია ვიბრძვით ამისთვის.
ჩემი აზრით, უცხოეთში მყოფმა ქართველებმა ამ მოთხოვნით საქართველოს საელჩოებთან მუდმივი აქციები უნდა მოაწყონ. ამასთანავე, საქართველოში ყველა პოლიტიკურმა ძალამ და აქტივისტმა შედეგის დასადებად ჩვენი ძალები უნდა გავაერთიანოთ. წინააღმდეგ შემთხვევაში, ივანიშვილის რეჟიმი აუცილებლად დაბლოკავს ამ თემას. არ უნდა დავაბლოკინოთ!” – წერს მიხეილ სააკაშვილი.