მთავარისიახლეებიმოგვიანებით შეგვიძლია შევაჩეროთ პროცესი ორბანი უკრაინის EU-ში გაწევრიანებაზე

მოგვიანებით შეგვიძლია შევაჩეროთ პროცესი ორბანი უკრაინის EU-ში გაწევრიანებაზე

Published on

დღეს დილით, უნგრეთის სახელმწიფო რადიოსთან საუბრისას, უნგრეთის პრემიერმინისტრმა, ვიქტორ ორბანმა კიდევ ერთხელ გაიმეორა, რომ უკრაინის ევროკავშირში გაწევრიანებაზე მოლაპარაკებების დაწყება ცუდი გადაწყვეტილებაა, რომელსაც შესაძლოა უარყოფითი შედეგები მოჰყვეს.

მისი თქმით, საათების განმავლობაში ცდილობდა დაერწმუნებინა ევროპელი ლიდერები, ხელი არ მოეწერათ კიევთან გაწევრიანების მოლაპარაკებების დაწყებაზე. ორბანმა თქვა, რომ მოწინააღმდეგე მხარეს 26-ნი არიან, ის კი მარტო.

“მათ სურთ ამ გადაწყვეტილებით უკრაინას ომის გასაგრძელებლად საჭირო წახალისება მისცენ. და მთხოვეს, რომ ამაში ხელი არ შემეშალა. მაგრამ მათი გადამწყვეტი არგუმენტი ის იყო, რომ უნგრეთი ამით არაფერს კარგავს”, – ამტკიცებს ორბანი.

ორბანი ამბობს, რომ თუ უნგრეთს არ სურს უკრაინა ევროკავშირის წევრი იყო, მაშინ პარლამენტს შეუძლია კენჭი უყაროს საკითხს, მაგრამ სანამ საკითხი პარლამენტამდე მივა, წინ გრძელი პროცესია.

“როგორც მათ და მე დავთვალე, დაახლოებით 75 შემთხვევაა, როდესაც უნგრეთის მთავრობას შეუძლია შეაჩეროს ეს პროცესი. და მათ თქვეს, რომ თუ მოლაპარაკებების დროს რაიმე იქნება, რაც უნგრეთის ინტერესებს აზიანებს, მე ამას შევწყვეტ”, – ამბობს ის.

ორბანმა თქვა, რომ უნგრეთს არ სურდა მონაწილეობა მიეღო “ცუდ გადაწყვეტილებაში” და ამიტომ დატოვა ოთახი – “მოგვიანებით ჩვენ შეგვიძლია შევაჩეროთ ეს პროცესი, თუ საჭირო იქნება ხელის მუხრუჭს გამოვიყენებთ”.

სიახლეები

გუშინ მშვიდად გეძინათ საბა ჯიქიას მიმართ გამოტანილი უსამართლო განაჩენის შემდეგ? – ნიკა კაცია მოსამართლე მჭედლიშვილს

გუშინ მშვიდად გეძინათ გამოტანილი უსამართლო განაჩენის შემდეგ? - ამ სიტყვებით მიმართა სინდისის პატიმარმა, ნიკა...

“პრაღის სამოქალაქო საზოგადოების ცენტრი” მზია ამაღლობელის დაუყოვნებლივ გათავისუფლებას მოითხოვს

"პრაღის სამოქალაქო საზოგადოების ცენტრი" მზია ამაღლობელის დაუყოვნებლივ გათავისუფლებას მოითხოვს - ჟურნალისტის მხარდამჭერ განცხადებაში ნათქვამია,...

კურსკში მოკლულია რუსი ბრიგადის მეთაური, პოლკოვნიკი სერგეი ილინი

2 ივლისს კურსკში მიმდინარე საბრძოლო მოქმედებების მსვლელობისას დაიღუპა 155-ე საზღვაო ფეხოსანთა ბრიგადის მეთაური, რუსი...

გაყინული რუსული აქტივების გამოყენებით ევროკავშირმა უკრაინას $1.2 მილიარდი გადასცა

უკრაინის პრემიერმინისტრმა დენის შმიგალმა 10 ივლისს განაცხადა, რომ უკრაინამ ევროკავშირისგან დამატებით 1 მილიარდი ევრო...