2023 წლის პირველ 9 თვეში საქართველოში 52 ადამიანი მოკლეს – შსს-ს სტატისტიკა

0
61

შინაგან საქმეთა სამინისტროს მიერ გავრცელებული განახლებული სტატისტიკის თანახმად, 2023 წლის იანვრიდან-სექტემბრის პერიოდში საქართველოში 52 ადამიანი მოკლეს.

სტატისტიკის მიხედვით, 9 თვეში საქართველოში განზრახ მკვლელობის 27 და დამამძიმებელ გარემოებებში განზრახ მკვლელობის 25 ფაქტი დაფიქსირდა. შსს-ს ცნობით, რეგისტრირებული 52 შემთხვევიდან – 47 გახსნილია.

სამინისტროს სტატისტიკის მიხედვით, გასული წლის ანალოგიურ პერიოდში რეგისტრირებული იყო მკვლელობის 56 შემთხვევა. სამინისტროს ინფორმაციის თანახმად, მიმდინარე წლის 9 თვეში განზრახ მკვლელობის 8 შემთხვევით ნაკლები დაფიქსირდა, დამამძიმებელ გარემოებებში განზრახ მკვლელობამ კი 4-ით მოიმატა.

შსს-ს სტატისტიკაში ასევე აღნიშნულია, რომ იანვარ-სექტემბრის პერიოდში დედის მიერ ახალშობილის განზრახ მკვლელობის 5 შემთხვევა დაფიქსირდა, რაც გასული წლის ანალოგიურ პერიოდს 2-ით აღემატება.

რაც შეეხება მკვლელობის მცდელობას, შსს-ს ინფორმაციის თანახმად, 2023 წლის პირველ 9 თვეში მკვლელობის მცდელობის 44, ხოლო დამამძიმებელ გარემოებაში მკვლელობის მცდელობის 36 შემთხვევა დაფიქსირდა. სტატისტიკის მიხედვით, გახსნილია მკვლელობის მცდელობის 40, ხოლო დამამძიმებელ გარემოებაში მკვლელობის მცდელობის 35 შემთხვევა.

წინა სტატიასალომე ზურაბიშვილმა, კამპანიის „ჩვენი ხმა ევროპას“ ფარგლებში, ევროკავშირის ქვეყნებში მცხოვრები ქართული დიასპორის წარმომადგენლებთან ტელეხიდი გამართა
შემდეგი სტატიაგიორგი კალანდია Mona.ge-ს სასამართლოში უჩივის
ტელეკომპანია ოდიშის საინფორმაციო სამსახური