“ნაციონალური მოძრაობა” კასპის რაიონული ორგანიზაციის უმრავლესობამ და საკრებულოს 6-მა დეპუტატმა დატოვა

0
78

“ნაციონალური მოძრაობას” კასპის რაიონული ორგანიზაციის წევრები ტოვებენ. იგივე გადაწყვეტილება მიიღო საკრებულოს 6-მა დეპუტატმაც. ენმ-ს კასპის მუნიციპალიტეტის საკრებულოში მხოლოდ ორი წევრი რჩება. მიზეზი პარტიის უკვე ყოფილი წევრების განცხადებით, ახალი მენეჯმენტი და თავმჯდომარეა.

პარტიის უკვე ყოფილი წევრები ამბობენ, რომ იმ შემთხვევაში, თუ ნიკა მელია პოლიტიკურ ბრძოლაში ჩაერთვება, მას შეუერთდებიან.

“ფრაქცია ერთიანი ნაციონალური მოძრაობის 8 წევრიდან 6 წევრი და რაიონული ორგანიზაციის სრული უმრავლესობა ვტოვებთ პარტია ერთიან ნაციონალურ მოძრაობას. ახალმა მენეჯმენტმა და პარტიის თავმჯდომარემ ვერ შეასრულა ის წინასაარჩევნო დაპირებები, რომლებსაც უხვად გასცემდა. პარტიას არ გააჩნია ის პოლიტიკური რესურსი, რომელიც 2024 წლის საპარლამენტო არჩევნებში უზრუნველყოფს ამ ხელისუფლების ცვლილებას, აქედან გამომდინარე, ვიღებთ გადაწყვეტილებას დავტოვოთ ენმ, თუმცა გავაგრძელოთ ბრძოლა ოპოზიციური ფლანგიდან, ოპოზიციური პლატფორმიდან, სადაც ჩვენი პრინციპების, ღირებულებების და შეხედულებების თანხვედრა იქნება ნიკა მელიას პოლიტიკურ შეხედულებებთან ერთად”, – თქვა გიორგი შარიფაშვილმა.

“ნაციონალური მოძრაობის” წევრების ნაწილმა პარტია დატოვა ბათუმში, ხობში, ზუგდიდში და სხვა ქალაქებში.

წინა სტატია7-დან 9 დეკემბრამდე თბილისი-სენაკი-ლესელიძის გზაზე აღმოსავლეთიდან დასავლეთით მოძრაობა შეიზღუდება
შემდეგი სტატიაუკანონო შემოსავლის ლეგალიზაციის გამო უცხო ქვეყნის მოქალაქეს 10 წლით პატიმრობა მიესაჯა
ტელეკომპანია ოდიშის საინფორმაციო სამსახური