Politico-მ ზელენსკი ევროპაში ყველაზე გავლენიან ფიგურად “მეოცნებეების” კატეგორიაში აღიარა

0
77
Ukrainian President Volodymyr Zelensky addresses a joint press conference with Spain's Prime Minister following their talks in Kyiv, on July 1, 2023. Spanish Prime Minister Pedro Sanchez arrived in Kyiv on July 1, 2023, to signal EU support for Ukraine as the country's commander-in-chief said he was frustrated by the slow deliveries of Western weapons. (Photo by Sergei CHUZAVKOV / AFP) (Photo by SERGEI CHUZAVKOV/AFP via Getty Images)

უკრაინის პრეზიდენტი, ვოლოდიმირ ზელენსკი ამერიკული გამოცემა Politico-ს მიხედვით, ევროპაში ყველაზე გავლენიანი ფიგურა გახდა “მეოცნებეების” კატეგორიაში.

რეიტინგის ავტორებმა მას უწოდეს ადამიანი, “რომელიც გარბის გრძელ მარათონს”. გამოცემა აღნიშნავს, რომ ზელენსკისთვის 2024 წელი რთული იქნება, რადგან “მსოფლიო დაბნეულია ახლო აღმოსავლეთის ომით; უკრაინელები დაღლილები არიან ორწლიანი ბრძოლით და იბრძვიან ტერიტორიის დასაბრუნებლად რუსული სასტიკი ხოცვა-ჟლეტის ფონზე”.

რეიტინგში Politico ხაზს უსვამს იმ ადამიანებს, რომლებსაც ექნებათ ყველაზე დიდი გავლენა იმაზე, თუ როგორ განვითარდება მოვლენები მომავალ, 2024 წელს. გასულ წელს ამ სიას ზელენსკი ხელმძღვანელობდა.

“ეს კარგი არჩევანი იყო, იმის გათვალისწინებით, რომ 2023 წელს მან მოახერხა უკრაინის ევროკავშირისა და ნატოს კარებთან მიყვანა”, – წერენ რეიტინგის ავტორები.

“მეოცნებეების” სიაში მეორე ადგილზეა რუსეთში ოპოზიციის ლიდერი ალექსეი ნავალნი.

ახალ სიაში ევროპაში ყველაზე გავლენიან ფიგურად პოლონელი პოლიტიკოსი, დონალდ ტუსკი დასახელდა, რომელიც მალე პოლონეთის პრემიერმინისტრი გახდება.

Politico-მ თავისი სია სამ ძირითად კატეგორიად დაყო: “მოღვაწეები”, “დამრღვევები” და “მეოცნებეები”. ბოლო კატეგორიას რეიტინგის ავტორები დადებითად მიიჩნევენ და აღნიშნავენ ამ ადამიანების როლს მომავლის იმიჯის განსაზღვრაში.

თითოეულ კატეგორიაში შედიოდა ცხრა ადამიანი. “დამრღვევების” კატეგორიაში პირველ ადგილზე გავიდა რუსეთის ცენტრალური ბანკის ხელმძღვანელი ელვირა ნაბიულინა. ამ კატეგორიის სიაში მოხვედრილი იყო “ქართული ოცნების” დამფუძნებელი, ბიძინა ივანიშვილი, რომელსაც გამოცემა ოლიგარქად მოიხსენიებს.

რეიტინგის ავტორებმა მთავარ “მოღვაწედ” დაასახელეს იტალიის პრემიერმინისტრი, ჯორჯია მელონი, რომელიც ცნობილია, სხვა საკითხებთან ერთად, უკრაინის მხურვალე მხარდაჭერით.

წინა სტატიაყველა ადამიანზე, ვინც იყო პოლიტსაბჭოს წევრი და შეუერთდება მანიფესტს, მივიღებთ გადაწყვეტილებას, ისევ იყვნენ საბჭოში – ხაბეიშვილი
შემდეგი სტატიარუსებმა სუმის ოლქი დაბომბეს დაიღუპა სამი ადამიანი, მათ შორის 7 წლის გოგონა
ტელეკომპანია ოდიშის საინფორმაციო სამსახური