დროებით ოკუპირებულ აფხაზეთში, ახალ ათონში, ე.წ. სახელმწიფო აგარაკის შენობასთან წუხელ სპონტანურად შეკრებილი მოქალაქეები მარიონეტული დე ფაქტო ხელისუფლების გადაწყვეტილებას აპროტესტებდნენ, რომლის მიხედვითაც, შესაძლოა, სახელმწიფო აგარაკის შენობები გასხვისდეს.
ამას გარდა, როგორც “ოდიშინიუსი” ადრე იტყობინებოდა, ოკუპირებულ აფხაზეთში საპროტესტო განწყობა მატულობს ასევე ოჩამჩირეში რუსეთის საოკუპაციო ძალების საზღვაო ბაზის გახსნის მიმართაც – შესაბამისი პლაკატები ოჩამჩირის, სოხუმისა და უკვე გაგრის სანაპიროებზეც გაჩნდა.