საქართველოს მესამე პრეზიდენტი მიხეილ სააკაშვილი წერს, რომ უახლოესი კვირებისა და თვეეების განმავლობაში აქტიურ მოქმედებებზე გადავა.
მისი თქმით, მიაღწევს, რომ ცხოვრება საქართველოს მოქალაქეებისთვის “ბევრად უფრო ადამიანური და ღირსეული” გახდეს.
“უკვე 2 წელია სრულად უდანაშაულოდ ვიმყოფები რუსეთის და რუსი ოლიგარქის ტყვეობაში. თვითონაც არ ახსოვთ რაზე მაქვს ბრალი წაყენებული და ხან “მკვლელს” მეძახიან და ხან ათასგვარ უმსგავსობას.
რა თქმა უნდა, ვნანობ, რომ უშუალოდ ომში ვერ ვეხმარები უკრაინას, მაგრამ არ ვნანობ ჩემს საქართველოში ყოფნას იმიტომ, რომ ჩემს აქ ყოფნას აქვს სიმბოლური და პრაქტიკული მნიშვნელობა.
სიმბოლურად ეს არის ამ ომის და პრორუსული რეჟიმის უსამართლობის დადასტურება და ჩემი უკან არ დახევის დემონსტრირება, პრაქტიკულად კი ყველა დაინახავს ჩემს აქტიურ ქმედებებს უახლოეს კვირებში და თვეებში.
მე აქ ვარ თითოეული ქართველის დასახმარებლად და მივაღწევ იმას, რომ ცხოვრება მათთვის ბევრად უფრო ადამიანური და ღირსეული გახდეს. მე ეს გამიკეთებია ადრე და შევძლებ თქვენთან ერთად ახლაც!”, – – წერს მიხეილ სააკაშვილი.