დღეს, 5 სექტემბერს პარლამენტის საშემოდგომო სესია იხსნება. პირველი პლენარული სხდომის დღის წესრიგი უკვე განსაზღვრულია, რომლის მიხედვითაც დეპუტატები რამდენიმე საკითხს უყრიან კენჭს – მათ შორისაა დავით სერგეენკოსთვისა და ქეთევან დუმბაძისთვის საქართველოს პარლამენტის წევრის უფლებამოსილების ვადამდე შეწყვეტის საკითხი.
მიმდინარე სასესიო კვირაში, განსახილველ საკითხებში, შეტანილია დადგენილების პროექტი, რომელიც შოვში მომხდარ სტიქიასთან დაკავშირებით დროებითი საგამოძიებო კომისიის შექმნას ითვალისწინებს. ინიციატორი “ერთიანი ნაციონალური მოძრაობაა”.
შოვის სტიქიასთან დაკავშირებულ კითხვებს უპასუხებს ინტერპელაციის წესით შინაგან საქმეთა მინისტრი, რომელიც პარლამენტის წინაშე 22 სექტემბერს წარდგება. იგეგმება, ასევე, რამდენიმე სახელმწიფო უწყების, მათ შორის, სახელმწიფო უსაფრთხოების სამსახურის ანგარიშის მოსმენაც.