მწერალი დათო ტურაშვილი კლინიკაში გადაიყვანეს მას შემდეგ, რაც ტროლებისა და ბოტების სამიზნე გახდა ე.წ. რუსული კანონის მიმართ გამოთქმული საკუთარი პოზიციის გამო.
ბოლო დღეების განმავლობაში დათო ტურაშვილი, გიორგი კეკელიძე, დათო გორგილაძე და სხვები ორგანიზებული შეტევების ობიექტები იყვნენ.
შეგახსენებთ, რომ დათო ტურაშვილს მძიმე ინფარქტი აქვს გადატანილი.
“ახლა ვესაუბრე მაკა კეკელიძეს, დათო ტურაშვილის მეუღლეს. დათო, ძლიერი ნერვული და სავარაუდოდ სტენოკარდიული შეტევის გამო, სასწრაფოდ გადაიყვანეს კლინიკაში. ტურაშვილს უმძიმესი ინფარქტი აქვს გადატანილი, შეტევა კი რამ გამოიწვია, მგონი რთული მისახვედრი არ უნდა იყოს”, – წერს ეროვნული ბიბლიოთეკის დირექტორი გიორგი კეკელიძე სოციალურ ქსელში.