ჩინეთში 20 დეკემბერს COVID-19-ით თითქმის 37 მილიონი ადამიანი დაავადდა. ინფორმაციას ამის შესახებ Bloomberg-ი ჩინეთის ჯანდაცვის ეროვნული კომისიის შიდა სხდომის პროტოკოლზე დაყრდნობით ავრცელებს.
ჯამში, დეკემბრის 20 დღის განმავლობაში კორონავირუსის ინფექციით ჩინეთში 248 მილიონი ადამიანი დაავადდა, ანუ ქვეყნის დაახლოებით 18%. აქამდე COVID-19-ით დაავადების მაქსიმუმი – 4 მილიონი ადამიანი დღეში – 2022 წლის იანვარში დაფიქსირდა.
გამოცემა აღნიშნავს, რომ დაავადების შემთხვევების მკვეთრი ზრდა, შესაძლოა, უკავშირდებოდეს ჩინეთის ხელისუფლების მიერ შეზღუდვების შემსუბუქებას, რომლებიც მანამდე COVID-19-ისადმი ნულოვანი ტოლერანტობის პოლიტიკის ფარგლებში იყო მიღებული. ამან ხელი შეუწყო ვირუსის „ომიკრონის“ ვარიანტის გავრცელებას სუსტი ბუნებრივი იმუნიტეტის მქონე მოსახლეობაში. აღინიშნება, რომ კოვიდით პეკინისა და სიჩუანის პროვინციის მაცხოვრებელთა ნახევარზე მეტი დაავადდა.