“ზელენსკის თხოვნა, თუ კრემლის დირექტივა ამაზე უნდა მივიღოთ პასუხი ჩვენ ქართველებმა, საქართველოს მოქალაქეებმა, ამ პასუხს ელოდება პრეზიდენტი ზელენსკი, გმირი უკრაინელი ხალხი, მთელი ცივილიზებული მსოფლიო და პირველ რიგში ქართული საზოგადოება”, – ასე გამოეხმაურა ერთიანი ნაციონალური მოძრაობის ერთ-ერთი ლიდერი, ნიკა მელია ვოლოდიმირ ზელენსკის განცხადებას, რომელიც მიხეილ სააკაშვილის უცხოეთში გადაყვანას ითხოვს.
მისი თქმით, ახლა “ქართულ ოცნებას” ნამდვილი პოზიცია გამოჩნდება იმის მიხედვით, იქნება თუ არა მისი გადაწყვეტილება კეთილი და გონივრული თუ იქნება სასიკვდილო.
“საქართველოს ხელისუფლებამ დაუყოვნებლივ უნდა მიიღოს გადაწყვეტილება, თავისუფლების საერთო მტერთან ზელენსკის ბრძოლა უფრო მნიშვნელოვანია მისთვის, თუ კრემლიდან, ბოროტების ამ სავანიდან წამოსული დირექტივა, ახლა ეს განისაზღვრება მხოლოდ და მხოლოდ მიხეილ სააკაშვილის გადაწყვეტილებიდან. იქნება ეს კეთილი, ჰუმანიტარული, გონივრული, წინდახედული თუ იქნება სასიკვდილო განაჩენი. ზელენსკის თხოვნა, თუ კრემლის დირექტივა ამაზე უნდა მივიღოთ პასუხი ჩვენ ქართველებმა, საქართველოს მოქალაქეებმა, ამ პასუხს ელოდება პრეზიდენტი ზელენსკი, გმირი უკრაინელი ხალხი, მთელი ცივილიზებული მსოფლიო და პირველ რიგში ქართული საზოგადოება. ქართული ოცნების ხელისუფლებამ ძალიან მალე უნდა მიიღოს გადაწყვეტილება, თამასა უკვე ძალიან მაღლა არის. ბოლოს, მსურს მადლიერებით მივმართო ვოლოდიმირ ზელენსკის, ერთიანი ნაციონალური მოძრაობისა და ყველა ქართველი პატრიოტის სახელით. უღრმეს მადლობას გიცხადებთ გამოჩენილი სიბრძნისა და თქვენი ძალისხმევისთვის, მიხეილ სააკაშვილის სიცოცხლის გადასარჩენად.”, – განაცხადა ნიკა მელიამ საგანგებო ბრიფინგისას.
შეგახსენებთ, უკრაინის პრეზიდენტმა გასულ ღამეს, ტრადიციული ვიდეომიმართვის დროს, საქართველოს ხელისუფლებას სთხოვა, მისცენ მიხეილ სააკაშვილს საზღვარგარეთ მკურნალობის საშუალება.