ექიმ ვაჟა გაფრინდაშვილს ტროტუარზე დგომის გამო სისხლის სამართლებრივი დევნა ემუქრება.

ექიმს გუშინ, 14 იანვარს, დაურეკეს თბილისის საქალაქო სასამართლოდან და უთხრეს, რომ 8 იანვარს ჩატარებულა ადმინისტრაციული სხდომა, სადაც მოსამართლემ თორნიკე კაპანაძემ ადმინისტრაციული საქმის წარმოება შეწყვიტა და შემდგომი რეაგირებისთვის შინაგან საქმეთა სამინისტროს გადასცა, „რადგან დაუნახავს სისხლის სამართლის შესაძლო დანაშაულის ნიშნები“.

ვაჟა გაფრინდაშვილი წარსულში უკვე არის ცნობილი ადმინისტრაციულ სამართალდამრღვევად სამანქანო გზის “გადაკეტვის” საბაბით.

“ქართული ოცნება” ყველა საშუალებით ცდილობს, რომ ძალაუფლება შეინარჩუნოს და ამისთვისაც იღებს ისეთ არარეალურ კანონებს, რომელიც ნებისმიერი განვითარებული ქვეყნისთვის წარმოუდგენელია. რუსეთშიც წარმოუდგენელია, რომ ტროტუარზე დგომის გამო ადამიანი შეიძლება ან ადმინისტრაციული ან სისხლის სამართლით რომ დააჯარიმონ. ჩემს შემთხვევაში, რადგან ერთხელ უკვე მქონდა ადმინისტრაციული სასჯელი გზის გადაკეტვაზე, სწორედ ამიტომ გადაიტანეს უკვე სისხლის სამართალზე. რუსთაველზე, ტროტუარზე ვიდექი და ვდგევარ 1968 წლიდან, რაც პირველ სკოლაში სწავლა დავიწყე და იმ პერიოდიდან შეკრებითად თუ დამაჯარიმებენ, ღმერთმა ქნას იმდენი წელი ვიცხოვრო.”. – ამბობს ვაჟა გაფრინდაშვილი.

ცნობისთვის, მანამდე ცნობილი გახდა, რომ შეწყდა და შემდგომი რეაგირსებისთვის შსს-ს გადაეცა გიორგი წულაიას და ანა ბდეიანის საქმეებიც.