კრივი-რიჰში რუსული რაკეტის შედეგად დანგრეული სახლის ნანგრევებიდან წლინახევრის ბავშვი ამოასვენეს – ამის შესახებ დნეპროპეტროვსკის რეგიონალური ადმინისტრაციის ხელმძღვანელმა ვალენტინ რეზნიჩენკომ განაცხადა.
მისი თქმით, ქალაქზე თავდასხმის შედეგად, სულ დაიღუპა ოთხი ადამიანი და დაშავდა 13.
ქალაქის დაბომბვის შემდეგ, რეზნიჩენკომ დაწერა: „64 წლის ქალი და ახალგაზრდა ცოლ-ქმარი დაიღუპნენ. მათი პატარა ვაჟი ისევ სახლის ნანგრევებშია. ცამეტი ადამიანი დაშავდა. მათ შორის ოთხი ბავშვი. ისინი საავადმყოფოში არიან“.
დღეს დილით კი უკრაინის ოფიციალურმა წარმომადგენელმა განაცხადა, რომ მაშველებმა ბიჭის ცხედარი ამოასვენეს.