ფინეთის პრემიერმინისტრის, სანა მარინის თქმით, ევროპა “არ არის საკმარისად ძლიერი” იმისთვის, რომ რუსეთის უკრაინაში შეჭრას დამოუკიდებლად გაუწიოს წინააღმდეგობა და მას აშშ-ის მხარდაჭერა სჭირდება.
“თქვენთან სასტიკად გულწრფელი უნდა ვიყო, ევროპა არ არის ახლა საკმარისად ძლიერი. შეერთებული შტატების გარეშე საფრთხეში ვიქნებოდით”, – თქვა მან.
აშშ უკრაინის სამხედრო დახმარების ყველაზე დიდი დონორია. ომის დაწყების დღიდან ვაშინგტონმა უკრაინას $18.6 მილიარდი გამოუყო.
იმ ფონზე, რომ ევროპული ქვეყნების მარაგი იწურება, სანა მარინიმ თქვა, რომ ევროპის თავდაცვის გასაძლიერებლად მეტი უნდა გაკეთდეს.