მარტივად რომ ვთქვათ, ეს ზამთარი გადარჩენაზე იქნება – ჰანს კლუგე უკრაინაზე

0
181

ჯანდაცვის მსოფლიო ორგანიზაციის ევროპის განყოფილების ხელმძღვანელი ჰანს კლუგე ამბობს, რომ ეს ზამთარი უკრაინაში მილიონობით ადამიანის სიცოცხლეს უქმნის საფრთხეს. მისი თქმით, ენერგეტიკული კრიზისი, ფსიქიკური ჯანმრთელობის საგანგაშო მდგომარეობა, ჰუმანიტარულ საჭიროებებზე შეზღუდვა, ვირუსული ინფექციები ამ ზამთარ უკრაინის ჯანდაცვის სისტემისა და ხალხისთვის დიდი გამოცდა იქნება.

“მარტივად რომ ვთქვათ, ეს ზამთარი გადარჩენაზე იქნება.
ჯანდაცვის მსოფლიო ორგანიზაციამ 9 თვის განმავლობაში, ომის დაწყებიდან დღემდე, 703 თავდასხმა აღრიცა სამედიცინო ობიექტებზე. ეს არის საერთაშორისო ჰუმანიტარული სამართლისა და ომის წესების დარღვევა.

ჯანდაცვისა და ენერგეტიკული ინფრასტრუქტურის განგრძობადი თავდასხმები ნიშნავს, რომ ასობით საავადმყოფო და სამედიცინო დაწესებულება სრულად აღარ ფუნქციონირებს – აკლია საწვავი, წყალი და ელექტროენერგია ძირითადი საჭიროებების დასაკმაყოფილებლად. სამშობიაროებს ესაჭიროებათ ინკუბატორები; სისხლის ბანკებს სჭირდებათ მაცივრები; ინტენსიური თერაპიის საწოლებს ესაჭიროებათ ვენტილატორები; და ყველაფერს ენერგია სჭირდება. […]

დღეს 10 მილიონი ადამიანი – მოსახლეობის მეოთხედი – ელექტროენერგიის გარეშეა. სიცივემ შეიძლება მოკლას. ქვეყნის ზოგიერთ ნაწილში ტემპერატურა -20 გრადუსამდე დაიკლებს”, – თქვა კლუგემ.

მან აღნიშნა, რომ მოკლევადიან პერსპექტივაში, უნდა იპოვონ პრაქტიკული გადაწყვეტილებები, რომლებიც საშუალებას მისცემს ჯანდაცვის სერვისებს გააგრძელონ მუშაობა ზამთრის განმავლობაში. კლუგემ კიდევ ერთხელ განაცხადა, რომ ომი უნდა დასრულდეს.

წინა სტატიააშშ მხარს დაუჭერს უკრაინას “იმდენ ხანს, რამდენიც დასჭირდება” – ლოიდ ოსტინი
შემდეგი სტატიაზელენსკი უკრაინელებს სთხოვს შეზღუდონ ელექტროენერგიის მოხმარება
ტელეკომპანია ოდიშის საინფორმაციო სამსახური