ანტონოვის ხიდი, რომელიც ხერსონის ოლქის მარჯვენა და მარცხენა სანაპიროებს აკავშირებდა, სავარაუდოდ ააფეთქეს.
უკრაინული მედიის ინფორმაციით, შესაბამის ცნობებსა და კადრებს რუსი პროპაგანდისტები ავრცელებენ.
კადრებში ჩანს, რომ ხიდის ნაწილი დანგრეულია და მხოლოდ რამდენიმე ბოძი ჩანს. არსებული ცნობებით, ხიდი რუსებმა დანაღმეს და ამის შემდეგ ააფეთქეს.
ანტონოვის ხიდი იყო მთავარი ლოჯისტიკური მარშრუტი ხერსონის რეგიონის მარჯვენა სანაპიროზე მტრის ჯარების ჯგუფისთვის აღჭურვილობისა და საბრძოლო მასალის გადასატანად.
რუსი პროპაგანდისტების თქმით, ხიდი, სავარაუდოდ, რუსეთის ფედერაციის შეიარაღებული ძალების უკან დახევის დროს ააფეთქეს.