“ქურდული სამყაროს” წევრობისა და “ქურდული სამყაროს” წევრისთვის მიმართვის ფაქტებზე, 5 პირს ბრალდება წარედგინა

0
155

პროკურატურის განცხადებით, “ქურდული სამყაროს” წევრობისა და “ქურდული სამყაროს” წევრისთვის მიმართვის ფაქტებზე, 5 პირს ბრალდება წარუდგინეს.

გამოძიება ამბობს, რომ ორ პირს შორის წარმოქმნილი ფინანსური დავა სიტყვიერ და ფიზიკურ დაპირისპირებაში გადაიზარდა, რის შემდეგაც, ხსენებულმა პირებმა „ქურდული გარჩევის“ განხორციელების და მატერიალური უპირატესობის მიღების მიზნით, „ქურდული სამყაროს“ წევრებს მიმართეს.

“2022 წლის ივლისსა და აგვისტოში, თბილისში და ზუგდიდის რაიონში, “ქურდული სამყაროს” წევრების მონაწილეობით შედგა “ქურდული გარჩევა”, რა დროსაც საკუთარი კრიმინალური გავლენის, ძალაუფლების დამკვიდრების და გავრცელების მიზნით, “ქურდული სამყაროს” წევრებმა დაპირისპირებულ მხარეებს შორის განიხილეს დავა, რის შემდეგაც ერთ-ერთ მოდავე პირს მეორე პირისთვის „ქურდული გარჩევით“ დაკისრებული თანხა გადაახდევინეს.

სამართალდამცველებმა ხუთივე პირი მოსამართლის განჩინების საფუძველზე, თბილისსა და სამეგრელოში დააკავეს”, – წერია განცხადებაში.

პროკურატურის შუამდგომლობის საფუძველზე ხუთივე ბრალდებულებს აღკვეთის ღონისძიების სახით პატიმრობა უკვე შეეფარდათ.

წინა სტატიახერსონისთვის ბრძოლა ჯერ არ დასრულებულა, მაგრამ უკრაინა თავის მიზნებს აღწევს
შემდეგი სტატიათაღლითი შემარქვეს, გამძარცვეს, გპირდებით ყველას სათანადო პასუხს გაგცემთ – ვაჟა მელაძე ბრალდებაზე
ტელეკომპანია ოდიშის საინფორმაციო სამსახური