სოსო გოგაშვილის შვილის, ნინი გოგაშვილის ინფორმაციით, დააკავეს მამამისის ბიძაშვილი, თუმცა რა ბრალდებით, ჯერჯერობით უცნობია:
“ახლა დააკავეს მამაჩემის ბიძაშვილი, ნიკა გოგაშვილი!
არაადამიანებო, ვერ დაკმაყოფილდით ხო იმ ბოროტებით, რაც უკვე ჩაიდინეთ, არ იყო ხო საკმარისი თქვენთვის ის ტკივილი, რაც უკვე მოგვაყენეთ?!
რუსული ოცნება კლავს!
ამ უსამართლობის გამო, ამდენი ოჯახის გამწარების გამო პასუხს აგებთ აუცილებლად!” წერს ნინი გოგაშვილი.
არსებული ინფორმაციით, ნიკა გოგაშვილი თელავში, გომბორის გზაზე დააკავეს, სავარაუდოდ, იარაღის ტარების ბრალდებით. ის ამ დროისთვის თბილისში, სუს-ის შენობაში გადაჰყავთ.