ზუგდიდში, “მთავარი არხის” ჟურნალისტებზე თავდასხმის საქმის სრული მასალები და ვიდეოჩანაწერები დაზარალებულებს არ გადაეცათ

0
205

2022 წლის 17 მარტს, “მთავარის” გადამღებ ჯგუფზე მომხდარ თავდასხმის ფაქტთან დაკავშირებით სისხლის სამართლის საქმეს ქუთაისი საქალაქო სასამართლო იხილავს.

საქმეზე გამოძიება დასრულებულია თუმცა, პროკურატურის მიერ მოპოვებული მტკიცებულებებიდან დაცვის მხარეს ამ დრომდე მხოლოდ დაზარალებულად ცნობილი ჟურნალისტისა და ოპერატორის დაკითხვის ოქმები გადაეცა. საქმის სხვა მასალები, ასევე სათვალთვალო კამერების ჩანაწერები, რომელიც საქმეს მტკიცებულებად ერთვის, არაერთი მოთხოვნის მიუხედავად დაზარალებულმა მხარემ ვერ მიიღო.

სამაგიეროდ, მტკიცებულებათა ერთობლიობა ვიდეოჩანაწერებიანად, ბრალდებულებს გადაეცა.

მიზეზი, რის გამოც დაზარალებულებს არ აძლევენ საქმის მასალებს სრულად, სავარაუდოდ ისაა, რომ სათვალთვალო კამერების ჩანაწერებში ჩანან მმართველი პარტიის წარმომადგენლები, რომლებიც თავდასხმის დროს
ალტინფოელებთან ერთად გადაადგილდებოდნენ. ასევე, ვიდეოში ასახულია ჟურნალისტსა და ოპერატორზე თავდასხმის ფაქტი, რომელშიც 15-მდე პირი მონაწილეობდა, თუმცა მხოლოდ ორია ბრალდებული.

ცნობისთვის, ემა გოგოხიასა და მის ოპერატორს თავს “ალტ-ინფოს” ოფისთან, ზუგდიდში, 2022 წლის 17 მარტს გვიან ღამით დაესხნენ. მომხდარზე გამოძიება ჟურნალისტურ საქმიანობაში უკანონოდ ხელის შეშლის მუხლით დაიწყო.

წინა სტატიასარფის საბაჟოზე დააკავეს კაცი, რომელსაც თურქეთში 1 100 ფუტკარი სხეულზე დამაგრებული ყუთებით გადაჰყავდა
შემდეგი სტატიაგიორგი გახარია ბიძინა ივანიშვილს დებატებში იწვევს
ტელეკომპანია ოდიშის საინფორმაციო სამსახური