გასულ 24 საათში საქართველოს ყველა სასაზღვრო-გამშვები პუნქტი რუსეთის 6 109 მოქალაქემ გადმოკვეთა

0
161

შინაგან საქმეთა სამინისტროს განცხადებით, სასაზღვრო-გამტარ პუნქტ “დარიალში” მგზავრთა ნაკადი მნიშვნელოვნად შემცირდა. უწყება ამბობს, რომ ასევე შემცირდა საქართველოს ყველა სასაზღვრო გამშვებ პუნქტში რუსეთის ფედერაციის მოქალაქეთა მიერ საზღვრის კვეთის რაოდენობა.

კერძოდ, 29 სექტემბრის 10:00 სთ-დან 30 სექტემბრის 10:00 სთ-მდე საქართველოს საზღვარი ყველა სასაზღვრო-გამშვები პუნქტის გავლით გადმოკვეთა რუსეთის ფედერაციის 6 109 მოქალაქემ, ხოლო საქართველოს ტერიტორია დატოვა 5 186 მოქალაქემ.

28 სექტემბრის 10:00 სთ-დან 29 სექტემბრის 10:00 სთ-მდე შემოვიდა 9 642 და გავიდა 5 448 მოქალაქე.

შსს ამბობს, რომ სასაზღვრო გამშვებ პუნქტ “დარიალში” სატვირთო და მსუბუქი ავტომობილების გატარება ჩვეულ რეჟიმს დაუბრუნდა, რის შედეგადაც ბოლო დღეებში შეფერხებული სატრანზიტო ავტომიმოსვლა სრულად აღდგა.

წინა სტატიაპრაქტიკად ჩამოყალიბდა თანამდებობის პირთა მხრიდან ჟურნალისტებისადმი ცინიკური დამოკიდებულება
შემდეგი სტატიაოკუპანტებმა კნოლევის მიმდებარედ ლითონის ბოძები და მავთულხლართები დაამონტაჟეს
ტელეკომპანია ოდიშის საინფორმაციო სამსახური