კოლაბორანტი ალექს კოვალიოვი, რომელიც უკრაინის პარლამენტის ყოფილი დეპუტატია “სლუგა ნაროდას” კვოტით, საკუთარ სახლში მოკლეს.
კოვალიოვი, ფართომასშტაბიანი შეჭრის პირველივე დღეებში ხერსონში ოკუპანტების მხარეს გადავიდა და მისი ბიზნესიც რუსეთში ყირიმის გავლით პროდუქციის გატანით “დაალაგა”.
ამავდროულად, კოვალიოვს თანამდებობა ეჭირა ხერსონის ე.წ. მერიაში, რომელიც ოკუპაციის შემდეგ დააკომპლექტეს – ის იქ აგრარულ საკითხებში მერის მოადგილე და მრჩეველიც იყო.
ჯერ კიდევ ივნისში მისი მანქანა ააფეთქეს. ეს იმ დროს მოხდა, როცა კოლაბორანტი მანქანიდან რამდენიმე წუთის გადმოსული იყო.
ხერსონელი პარტიზანები პერიოდულად აცხადებდნენ, რომ კოვალიოვი მათი პრიორიტეტული სამიზნე იყო. ეს ხერსონში უკვე მეექვსე შემთხვევაა, როცა კოლაბორანტების მანქანებს აფეთქებენ ან მოღალატეებს სხვა მეთოდით კლავენ.