ზაპოროჟიეს ატომური ელექსტროსადგური ელექტრო ქსელიდან გაითიშა. მიზეზი სადგურთან ახლოს არსებული ხანძარია, რის გამოც ელექტროსადგურთან კავშირი ორჯერ გაწყდა.
ომის შემსწავლელი ინსტიტუტი პირდაპირ ამბობს, რომ ზაპოროჟიეს ატომურ ელექტროსადგურზე განხორციელებულ კინეტიკურ თავდასხმებზე პასუხისმგებელი რუსეთია.
შესაძლო საფრთხეებზე ისაუბრა უკრაინის პრეზიდენტმა, ვოლოდიმირ ზელენსკიმაც.
მსოფლიომ უნდა გაიგოს, რა საფრთხეა ეს: დიზელის გენერატორები რომ არ ჩართულიყო, ავტომატურ დაცვას არ ემუშავა და ელექტროსადგურის ჩვენ თანამშრომლებს არ ემოქმედათ, იძულებული გავხდებოდით რადიაციული ავარიის შედეგები დაგვეძლია. რუსეთმა უკრაინა და ყველა ევროპელი ჩააყენა სიტუაციაში, როდესაც რადიაციულ კატასტროფას ერთი ნაბიჯი აშორებდათ. ჩვენ ყველაფერს ვაკეთებთ საგანგებო სცენარის თავიდან ასაცილებლად. მაგრამ ეს მხოლოდ ჩვენს სახელმწიფოზე არ არის დამოკიდებული. საჭიროა ისეთი საერთაშორისო ზეწოლა, რომელიც ოკუპანტებს აიძულებს დაუყოვნებლივ დატოვონ ზაპოროჟიეს ატომური ელექტროსდგურის ტერიტორია. ატომურ ელექტროსადგურზე რუსული ჯარების ყოფნის ყოველი წუთი არის გლობალური რადიაციული კატასტროფის რისკი, – განაცხადა ზელენსკიმ.