რუსი დიქტატორი ვლადიმირ პუტინი, ოპერაციის შემდეგ, სერიოზულ პრობლემებს განიცდის, – ამის შესახებ ტაბლოიდი Mirror წერს. გამოცემის ინფორმაციით, რუსეთის პრეზიდენტს ძლიერი თავის ტკივილი სტანჯავს, არაკონტროლირებადი აგრესიით გამოირჩევა და მხედველობას ძალიან სწრაფად კარგავს.
ტაბლოიდი ასევე აღნიშნავს, რომ ვლადიმირ პუტინს ექიმებმა, სიცოცხლის სავარაუდო ვადად, მაქსიმუმ, სამი წელი განუსაზღვრეს.
ეს პირველი შემთხვევა არაა, როცა “მირორი” ვლადიმირ პუტინის უკურნებელ სენზე აკეთებს აქცენტს – პირველად გამოცემამ 9 მაისის შემდეგ დაწერა, რომ პუტინი ავადაა, ამის დასადასტურებლად კი 9 მაისი აღლუმზე მისი ფოტო გამოაქვეყნა, სადაც მას მუხლებზე პლედი აქვს გადაფარებული, განსხვავებით მეორე მსოფლიო ომის ვეტერანებისგან, რომლებიც მის გვერდით ჩვეულებრივ სხედან.