ევროპარლამენტმა მიიღო რეზოლუცია, რომელიც მხარს უჭერს მოლდოვისთვის ევროკავშირის კანდიდატის სტატუსის მინიჭებას. დოკუმენტში ხაზგასმულია, რომ ქვეყანა საჭირო რეფორმებს ატარებს. ევროპარლამენტის განცხადებაში წერია, რომ მოლდოვა, უკრაინაში რუსეთის მიერ წამოწყებული ომის შედეგად არაპროპორციულად, მძიმედ დაზარალდა.
“ეს ძირითადად იმითაა განპირობებული, რომ ქვეყანამ 100 000 უკრაინელი ლტოლვილი მიიღო, ასევე შემცირდა ვაჭრობა და ფასები ენერგიასა და ტრანსპორტზე” – ნათქვამია დოკუმენტში, სადაც ევროპარლამენტარები მოუწოდებენ ევროკავშირს, ქვეყანას უფრო მეტი მხარდაჭერა გამოუცხადოს.
ცნობისთვის, მოლდოვამ EU-ს კითხვარი 22 აპრილს შეავსო. პარალელურად, ევროკავშირის კითხვარი შეავსო საქართველომაც, თუმცა ევროპარლამენტს ჩვენი ქვეყნის შესახებ ჯერ არ უმსჯელია.