უკრაინის შეიარაღებულმა ძალებმა რუსეთის საზღვაო ქვეითთა 155-ე ცალკეული ბრიგადის შენაერთები თითქმის მთლიანად გაანადგურეს, – ამის სესახებ “ფეისბუქზე” უკრაინელი სამხედრო ჟურნალისტი რომან ციმბალუკი წერს.
ეს ბრიგადა რუსეთში ელიტარულად ითვლება და მისი მუდმივი დისლოკაციის ადგილი ვლადივოსტოკია, ს/ნ 30926.
ჟურნალისტის ცნობით, ოკუპანტებმა 600 სამხედრო მოსამსახურე დაკარგეს დაღუპულებისა და დაჭრილების სახით. ამ მასშტაბის დანაკარგის მიზეზი, ჟურნალისტის თქმით, ბრიგადის ხელმძღვანელობის არაადეკვატური გადაწყვეტილებებია.
ასევე, ციმბალუკი აღნიშნავს, რომ ბრიგადის პირად შემადგენლობას არ მიუწვდება ხელი საკვებ პროდუქტებზე. ჯერჯერობით არაა დაზუსტებული, რომელ მიმართულებაზე მოქმედებდნენ რუსი საზღვაო ქვეითები.