საქართველოში უკრაინის საელჩო განცხადებას ავრცელებს და ჩერნობილის ატომურ ელექტროსადგურზე რადიაციის გაჟონვის საფრთხეზე მიანიშნებს.
“დაზიანებულია ერთადერთი ელექტროქსელი, რომლითაც ჩერნობილის ატომური ელექტროსადგურისა და ყველა იმ ბლოკის კვება იყო უზრუნველყოფილი, რომლებიც რუს ოკუპანტებს აქვთ დაკავებული.
სარეზერვო გენერატორები ელექტროენერგიის მიწოდების უზრუნველყოფას მხოლოდ 48 საათის განმავლობაში შეძლებს, ამის შემდეგ გაგრილების სისტემები გამოირთვება, რაც რადიაციის გაჟონვას გამოიწვევს.
სასწრაფოდ საჭიროა, რომ ატომური ელექტროსადგურის ტერიტორიაზე შევიდნენ სარემონტო ჯგუფები”, – ნათქვამია საქართველოში უკრაინის საელჩოს განცხადებაში.
საფრთხის შესახებ საქმის კურსშია ატომური ენერგიის საერთაშორისო სააგენტო, რომელმაც განაცხადა, რომ ელექტროენერგიის გამორთვას უსაფრთხოებაზე კრიტიკული გავლენა არა აქვს.