ცნობილი უკრაინელი შვიდჭიდელი, 2013 წლის მსოფლიო ჩემპიონი ანა კასიანოვა ემოციურად მიმართავს იმ რუს კოლეგებს, რომლებიც თავიანთ სოციალურ ქსელებში მხოლოდ პირად ვიდეოებს და ფოტოებს აზიარებენ და არაფერს ამბობენ იმაზე, რაც უკრაინაში ხდება.
მისი თქმით, მიმართვა ყველა იმ კოლეგას ეკუთვნის, რომლებიც ომთან დაკავშირებით მხრებს იჩეჩავენ და ამბობენ: “ჩვენ რა შუაში ვართ?”. 38 წლის ანა კასიანოვა “ინსტაგრამზე წერს:
“ნაბო**ებო! ერთხელ არ გამოგითქვამთ თანაგრძნობა, ჩვენ რომ აქ მშველელს ვუხმობთ განწირული ხმით. თქვენ კი რას აკეთებთ? იმაზე წუხართ, რომ შეჯიბრებაზე წასვლა კარგა დიდ მანძილზე ავტობუსებით გიწევთ და არა თვითმფრინავით. დუმხართ? ესე იგი, მხარს უჭერთ ომს!”, – წერს ანა კასიანოვა.
