ნატო არ აპირებს უკრაინის თავზე ცის დახურვას, – ამის შესახებ თეთრი სახლის პრესმდივანმა ჯენ ფსაკიმ განაცხადა უკრაინის პრეზიდენტის ვოლოდიმირ ზელენსკის მოთხოვნის პასუხად, რომელიც დღევანდელ ბრიფინგზე კიევში უკრაინის სახელმწიფოს მეთაურმა კიდევ ერთხელ გააჟღერა.
ფსაკის განცხადებით, ცის დახურვის შემთხვევაში ნატო იძულებული გახდებოდა, ჩამოეგდო რუსული სამხედრო თვითმფრინავები, რაც რუსეთთან პირდაპირ საომარ მოქმედებებში ჩაბმის ტოლფასია.
“ეს (პირდაპირი სამხედრო კონფლიქტი რუსეთთან) სწორედ ისაა, რის ტავიდან არიდებასაც ვცდილობთ”, – განაცხადა ფსაკიმ.
რამდენიმე დღით ადრე ცის დახურვა გამორიცხა ნატოს გენმდივანმა იენს სტოლტენბერგმაც.
დღეს ვოლოდიმირ ზელენსკიმ კიდევ ერთხელ, ემოციურ ტონში მოითხოვა ცის დახურვა მსოფლიო ლიდერებისგან.
“აფეთქებისგან მოგლეჯილი რამდენი თავი, ხელია საჭირო, რომ ცა დახუროთ? დავითვლი…” – ზელენსკი