ზუგდიდის შალვა დადიანის სახელობის პროფესიულ სახელმწიფო დრამატულ თეატრში სპექტაკლ ,,მარიტას’’ პრემიერა გაიმართა. სპექტაკლის დასასრულს, მსახიობებმა უკრაინის სახელმწიფო ჰიმნის ფონზე უკრაინის დროშა გამოფინეს და ასე გამოხატეს უკრაინის მიმართ მხარდაჭერა. მსახიობების განცხადებით , ის, რაც დღეს უკრაინაში ხდება, საქართველოს სატკივარიც არის, რადგან უკრაინა საქართველოს მოძმე ერია.
ზუგდიდის შალვა დადიანის სახელობის პროფესიულ სახელმწიფო დრამატულ თეატრში სხვადასხვა სპექტაკლის პრემიერა იგეგმება, მსახიობების განცხადებით, ისინი ყოველი სპექტაკლის დასასრულს გამოფენენ უკრაინის დროშას და მომავალშიც, ამგვარად გამოხატავენ უკრაინის მხარდაჭერას.