უკრაინის დედაქალაქი აქტიური თავდაცვის რეჟიმზეა გადასული. ამ დროისთვის კიევს ოკუპანტები დიდი ძალებით, სხვადასხვა მხრიდან უტევენ. აგრესორთა ერთმა ჯგუფმა იერიში მიიტანა გამარჯვების გამზირზე მდებარე ერთერთ სამხედრო ნაწილზე – მტერი უკუგდებულია.
ამავდროულად, შეტაკებები მიმდინარეობს კიევის ზოოპარკთანაც. ვრცელდება ინფორმაცია, რომ რუსი ოკუპანტები შეტევას იწყებენ ტელეანძის მიმართულებითაც. უკრაინული მედიის ცნობით, მეტროსადგურ „ბერესტეისკაიასთან“ ხიდი ააფეთქეს
REUTERS აქვეყნებს ინფორმაციას და თანამგზავრული maxar-ის ფოტოგრაფიკას, საიდანაც ირკვევა, რომ ამ დროისთვის ბელორუსიდან უკრაინის მიმართულებით 150-მდე სატრანსპორტო ვერტმფრენი გადაადგილდება.
აშშ-მა მზადყოფნა გამოთქვა უკრაინის პრეზიდენტის ვოლოდიმირ ზელენსკის ევაკუაციისთვის, თუმცა, უკრაინის პირველი პირი და უმაღლესი მთავარსარდალი, სხვა პასუხისმგებელ პირებთან ერთად, კიევში რჩება.