უკრაინაში რუსეთის შეიარაღებული ძალების მიერ გამთენიისას დაწყებულ სამხედრო აგრესიას უკრაინელები თავდაცვითი ზომებით პასუხობენ.
ამ დროისთვის ჩამოგდებულია შვიდი რუსული სამხედრო თვითმფრინავი და ხუთი შვეულმფრენი, აიყვანეს პირველი სამხედრო ტყვეებიც.
შს მინისტრის მთავარი მრჩეველი ანტონ გერაშენკო აქვეყნებს ვიდეოს, სადაც გადაღებულია რუსული შვეულმფრენი, რომელიც უკრაინელებმა ქალაქ გოსტომელთან, კიევის ოლქში ჩამოაგდეს.