საქართველოს 7-კაცა რაგბის ეროვნული ნაკრები თებერვალში რუსეთის ნაკრებთან ერთობლივი შეკრების გამართვას გეგმავს

0
427

საქართველოს 7-კაცა რაგბის ეროვნული ნაკრები თებერვალში რუსეთის ნაკრებთან ერთობლივი შეკრების გამართვას გეგმავს. ამის შესახებ წერილი საქართველოს რაგბის კავშირმა გაავრცელა.

დოკუმენტში აღნიშნულია, რომ ნაკრები ქუთაისში შეკრების გამართვას 24 თებერვალი – 1 მარტი პერიოდში გეგმავს, რა დროსაც რუსეთის ეროვნული 7-კაცა ნაკრები საქართველოში ჩამოდის.

ქართველი მორაგბეები რუსებთან ერთად,  ქუთაისის სარაგბო ბაზაზე საერთო შეკრებას ჩაატარებენ, ერთად ივარჯიშებენ ითამაშებენ და მოემზადებიან.

მოგეხსენებათ, რუსეთი ჩვენი კონკურენტია მსოფლიოს საკვალიფიკაციოეტაპზე და ძალიან გამოგვადგება მათთან ერთად შეკრების გავლა და მათთან თამაშები, – აღნიშნულია ეროვნული ნაკრების მენეჯერის, ალექსანდრე ნიჟარაძის წერილში. 

ის კლუბებს სთხოვს წერილში მოხსენიებული მოთამაშეები აღნიშნულ პერიოდში შეკრებაზე გამოუშვან.

რაგბის კავშირის ამ გადაწყვეტილებამ მორაგბეების ერთი ნაწილის პროტესტი  გამოიწვია. 

ვეტერანი მორაგბეები პირდაპირ ამბობენ, რომ ,,რაგბის ფედერაციის მხრიდან მიღებული გადაწყვეტილება სრულიად გაუმართლებელია. მათი თქმით, საქართველომ მეგობარი ქვეყნის, ლიეტუას გუნდი საქართველოდან ისე გაუშვა, რომ აეროპორტში არც დახვდა და არც კი გააცილა, ოკუპანტი ქვეყნის გუნდს კი ზარ-ზეიმით ხვდებიან.

მოიწვიეს ლიეტუა, არ დახვდნენ, არ ეთამაშნენ და არც კი გააცილეს. ბ რაგბის კავშირი ქართული ოცნების პოლიტიკის გამტარია და რუსეთის ნაკრებთან დამეგობრების ფაქტი პოლიტიკის ცვლილების პირდაპირი მტკიცებულებაა”.

 

წინა სტატიასამეგრელო – ზემო სვანეთში კორონავირუსი 1 577 პირს დაუდასტურდა
შემდეგი სტატიაოპოზიცია იანვრის თვის გადასახადის კორექტირებას და მინისტრ თურნავას გადადგომას მოიხოვს
ტელეკომპანია ოდიშის საინფორმაციო სამსახური