დღეს პარლამენტში ჩანიშნული საპროცედურო საკითხთა და წესების კომიტეტის სხდომა გადაიდო. მიზეზი ისაა, რომ კომიტეტის წევრ დეპუტატთა ნაწილი კოვიდინფიცირებულია.
სხდომაზე ოპოზიციონერი დეპუტატების: ბადრი ჯაფარიძის, შალვა ნათელაშვილისა და ელენე ხოშტარიასთვის სადეპუტატო უფლებამოსილების ვადამდე შეწყვეტის საკითხი უნდა განეხილათ.
“ოცნების” დეპუტატის, გურამ მაჭარაშვილის ინფორმაციით, კომიტეტის წევრები პარლამენტში ვერ მივიდნენ და შესაბამისად, კვორუმი ვერ დგება.