მოსამართლე გიორგი არევაძემ კოალიცია ცვლილებისთვის ერთ-ერთი ლიდერი, ელენე ხოშტარია კვლავ პატიმრობაში დატოვა. დღევანდელ სხდომაზე აღკვეთის ღონისძიება გადაისინჯა და ასევე, 2 ქიმიური ექსპერტი გამოიკითხა.
“ექსპერტმა დაადასტურა, რომ ბანერები იმგვარი ქიმიური შემადგენლობის მქონე ნივთიერებით იყო დაზიანებული, რაც აღდგენას არ ექვემდებარებოდა […] თითოეული ბანერის საბაზრო ღირებულება 190 ლარს შეადგენდა […]
საფრთხეების გათვალისწინებით, სასამართლომ პატიმრობა ძალაში დატოვა […] ბრალდებული არცერთ პროცესზე სასამართლოში არ ცხადდება და სასამართლომ მიიჩნია, რომ ეს მომატებული საფრთხის შემცველი იყო. არსებობდა მისი მხრიდან ახალი დანაშაულის ჩადენისა და მტკიცებულებების განადგურების საფრთხე”. – თქვა საქმის პროკურორმა, მარიამ წულაიამ პროცესის დასრულების შემდეგ.
საქმეზე მომდევნო სასამართლო სხდომა 2026 წლის 20 იანვარს ჩაინიშნა.
ელენე ხოშტარია და მისი ადვოკატი პროცესებში მონაწილეობას არ იღებენ.
პარტია დროას ლიდერი, ელენე ხოშტარია კახა კალაძის საარჩევნო ბანერის დაზიანებისთვის 15 სექტემბერს დააკავეს. მას 5 000-ლარიანი საპატიმრო გირაო შეეფარდა, რომლის გადახდაზეც უარი განაცხადა.