რეისი თბილისი-მოსკოვი რომელიც დღეს, ზუსტად 10:00 საათზე მოსკოვის მიმართულებით უნდა გაფრენილიყო, გაუქმდა  – რუსეთმა ქართულ ავიაკომპანია “ჯორჯიან ეარვეისს” მოსკოვის მიმართულებით ფრენის შესრულებაზე უარი ბოლო წუთს უთხრა და  თვითმფრინავს აფრენის საშუალება მოსკოვმა არ მისცა. 

როგორც ავიაკომპანიის  დამფუძნებელმა, თამაზ გაიაშვილმა განაცხადა, რეისის    გაუქმების მიზეზად მოსკოვმა  “მედიის მხრიდან ატეხილი აჟიოტაჟი” და მათი კომპანიის მიერ დარღვეული პროცედურები დაასახელა.

“აჟიოტაჟი ატყდა ისეთი, რომ ამან გამოიწვია სერიოზული პრობლემები. ჟურნალისტების აქტიურობის გამო, ატყდა აჟიოტაჟი და გაუქმდა, აღარ მოგვცეს ნებართვა რეისის ნებართვა. პროცედურები არ იყო დაცული რაღაც, ამიტომ ნებართვა არ მოვიდა. ჩარტერული რეისი იყო შეკვეთა და ამ რეისს ვასრულებდით, ბორტზე უკვე ყველა ბილეთი გაყიდული იყო, თუმცა “, – ამბობს თამაზ გაიაშვილი მთავარი არხის წეთერში 

შეგახსენებთ,  ეს იქნებოდა პირველი ფრენა, რომელიც  3-წლიანი პაუზის შემდეგ უნდა შესრულებულიყო. ვლადიმერ პუტინის გადაწყვეტილებით, რუსეთმა საქართველოსთან ავიამიმოსვლა 2019 წლის 8 ივლისიდან შეწყვიტა. მას შემდეგ რაც საქართველოს პარლამენტის თავმჯდომარის სკამი რუსეთის დუმის კომუნისტმა დეპუტატმა სერგეი გავრილოვმა დაიკავა, რასაც სისხლიანი 20 ივნისის ღამე მოჰყვა.