წამება და სიცოცხლის უფლების ხელყოფა – ასე აფასებს მიხეილ სააკაშვილის გორის ჰოსპიტალიდან გატაცებას უკრაინის სახალხო დამცველი.
ლუდმილა დენისოვა საგანგებო მიმართავ ავრცელებს და მოუწოდებს საქართველოს სახალხო დამცველს, სასწრაფოდ მოინახულოს მესამე პრეზიდენტი რუსთავის ციხეში და შეამოწმოს, ირღვევა თუ არა მისი უფლებები.
ლუდმილა დენისოვა რეაგირებისკენ მოუწოდებს საერთაშორისო პარტნიორებს, ასევე უკრაინის საელჩოს საქართველოში.
“შთამბეჭდავი ცინიზმია, თუ რა გზით გაკეთდა ეს” წერს დენისოვა და აღნიშნავს, რომ მიხეილ სააკაშვილი ადვოკატების გაფრთხილების გარეშე, საკუთარი ნების საწინააღმდეგოდ წაიყვანეს რუსთავში ღამით.
“მივმართავ საქართველოს სახალხო დამცველს ნინო ლომჯარიას, რომ მიხეილ სააკაშვილი პენიტენციურ დაწესებულებაში მოინახულოს მისი უფლებების შემოწმების მიზნით” წერს დენისოვა.