მთავარისიახლეებიუსაფრთხოების საკითხებზე აშშ-ისა და რუსეთის წარმომადგენლების მოლაპარაკებები 10 იანვარს იგეგმება

უსაფრთხოების საკითხებზე აშშ-ისა და რუსეთის წარმომადგენლების მოლაპარაკებები 10 იანვარს იგეგმება

Published on

აშშ-ისა და რუსეთის წარმომადგენლები უსაფრთხოების საკითხებზე მოლაპარაკებებს 10 იანვარს გამართავენ. ინფორმაციას ამის შესახებ სააგენტო „როიტერი“ აშშ-ის პრეზიდენტ ჯო ბაიდენის ადმინისტრაციის წარმომადგენელზე დაყრდნობით ავრცელებს. ამასთან, სავარაუდოდ რუსეთ-ნატო-ს მოლაპარაკებები გაიმართება 12 იანვარს, უფრო ფართო რეგიონული შეხვედრა მოსკოვის, ვაშინგტონისა და რამდენიმე ევროპული ქვეყნის წარმომადგენლების მონაწილეობით კი, 13 იანვრისთვის არის დაგეგმილი.

„როდესაც სალაპარაკოდ დავსხდებით, რუსეთს შეუძლია, წარმოადგინოს თავისი შეშფოთებები; ჩვენ ასევე წარმოვადგენთ ჩვენს შეშფოთებებს რუსეთის ქმედებებთან დაკავშირებით. იქნება სფეროები, სადაც შეგვიძლია პროგრესის მიღწევა და სფეროები, სადაც უთანხმოება გვექნება. სწორედ ეს არის დიპლომატია“, – განაცხადა „როიტერთან“ თეთრი სახლის ეროვნული უსაფრთხოების საბჭოს წარმომადგენელმა, რომელმაც სახელის გასაჯაროება არ ისურვა.

შეგახსენებთ, რუსეთმა გამოაქვეყნა ამერიკის შეერთებულ შტატებთან და ნატო-სთან ხელშეკრულებების პროექტები, რომლებითაც დასავლეთისგან უსაფრთხოების გარანტიები მოითხოვა. კერძოდ, მოსკოვი დასავლეთისგან მოსაზღვრე რეგიონებში შეიარაღების სისტემების განთავსებაზე, ასევე ნატო-ს აღმოსავლეთით შემდგომ გაფართოებაზე უარის თქმას და შესაბამისად, ბუქარესტის 2008 წლის სამიტის გადაწყვეტილების გაუქმებას ითხოვს, რომლის თანახმადაც, საქართველო და უკრაინა გახდებიან ალიანსის წევრები.

აშშ-ის ადმინისტრაციაში აცხადებენ, რომ რუსეთის პრეზიდენტი უკრაინაში ინტერვენციისთვის ემზადება და მორიგი აგრესიის შემთხვევაში, რუსეთს მკაცრი სანქციებით ემუქრება. რუსეთი აღნიშნულ ბრალდებებს უარყოფს და პროვოკაციებსა და სამხედრო ოპერაციის მზადებაში უკრაინას ადანაშაულებს.

სიახლეები

პრივილეგიაა – ვნახავთ, რა იქნება პასუხი და მივიღებთ საჭირო გადაწყვეტილებას-ფიშერი უვიზოზე

საქართველოს ხელისუფლების გადაწყვეტილებით, ქვეყანა ევროკავშირს 2024 წლის დასაწყისიდან დაშორდა. ქვეყანა შორდება ევროკავშირს დიდი სისწრაფით,...

დამატებითი ბრძოლის ველია, უთანასწორო მდგომარეობის მიუხედავად – ხაზარაძე არჩევნებზე

ლელო-ძლიერი საქართველოს ლიდერი, მამუკა ხაზარაძე მის და გიორგი გახარიას გუნდს შორის ადგილობრივი თვითმმართველობის არჩევნებზე...

სინდისის პატიმარი, გიორგი გორგაძე სასამართლო პროცესზე შეუძლოდ გახდა

სინდისის პატიმარი, გიორგი გორგაძე სასამართლო პროცესზე შეუძლოდ გახდა.  თბილისის საქალაქო სასამართლოში მიმდინარე სხდომა ამ...

გორში 3 პოლიციელი ცივი იარაღით დაჭრეს – დაკავებულია 5 პირი

შინაგან საქმეთა სამინისტროს ცნობით, 15 ივლისს, გორში, სოფელ ხელთუბანში სამართალდამცველებს თავს დაესხნენ, სამ პოლიციელს...