გორში ჩავლილი კოლონის დასანახად მესამე პრეზიდენტმა დახატული დროშა ააფრიალა

0
327

საკუთარი ხელით დახატული დროშა გორში ჩავლილი მხარდამჭერთა კოლონის დასანახად – მიხეილ სააკაშვილმა გისოსებიანი პალატიდან ჯერ თითებით გული გამოსახა, შემდეგ კი ქაღალდზე მისივე დახატული დროშა ააფრიალა.

კოლონით დედაქალაქში მიმავალი მიხეილ სააკაშვილის მხარდამჭერები ამ ჟესტს ოვაციით შეხვდნენ.

შეგახსენებთ, დღეს თბილისში, რუსთაველის გამზირზე, მიხეილ სააკაშვილის დაბადების დღის აღსანიშნავად და მისი გათავისუფლების მოთხოვნით, ფართომასშტაბიანი აქცია ტარდება, რომელშიც მონაწილეობას იღებენ სხვადასხვა რეგიონიდან თბილისისკენ დაძრული მხარდამჭერები.

მიხეილ სააკაშვილი დღეს 54 წლის გახდა. ის 1 ოქტომბერს დააკავეს და ამჟამად მკურნალობის კურსს გადის გორის სამხედრო ჰოსპიტალში. მკურნალობა მესამე პრეზიდენტს მას შემდეგ დასჭირდა, რაც 45 დღეზე მეტხანს იშიმშილა.

წინა სტატიაHub-Georgia მიესალმება აფხაზეთის აეროპორტის მუშაობის აღდგენას საქართველოს კანონმდებლობის და საქართველოს ერთიანი საჰაერო სივრცის ფარგლებში
შემდეგი სტატიამიხეილ სააკაშვილის გათავისუფლების მოთხოვნით მასობრივი შიმშილობა იწყება
ტელეკომპანია ოდიშის საინფორმაციო სამსახური