,,საქართველოს მეგობრები ამერიკაში შეძრწუნებულები არიან იმით, რასაც ხედავდნენ, ეს ეხება მიხეილ სააკაშვილის დაკავებასაც ”- დენიელ ფრიდი

0
264

“საქართველო შორდება თავის მეგობრებს და ეს ვლადიმერ პუტინს აწყობს,”- ამის შესახებ  ამერიკელი დიპლომატი და სახელმწიფო დეპარტამენტის ყოფილი მაღალჩინოსანი, დენიელ ფრიდი “ამერიკის ხმასთან” საუბრობს. 

უცხოელი დიპლომატი საქართველოში რეფორმების ჩატარების აუცილებლობაზე საუბრობს. მისი თქმით, მნიშვნელოვანია საქართველომ აჩვენოს, რომ მომავალი აქვს და პოსტსაბჭოთა ავტოკრატიაში გახვეული არ არის.

,,საქართველოს მეგობრები ამერიკაში, რომელთა რიცხვიც უზარმაზარია საგარეო ურთიერთობათა წრეებში, შეძრწუნებულები არიან იმით, რასაც საქართველოში გასული წლის განმავლობაში ხედავდნენ. მათ შორის სხვა საკითხებთან ერთად, ეს ეხება მიხეილ სააკაშვილის დაკავებასაც. საქართველო შორდება თავის მეგობრებს და ვის აწყობს ეს? ალბათ პუტინს, იმიტომ, რომ ამას საქართველოს იზოლაციამდე მივყავართ. ევროპელები, რომლებსაც ყოველთვის შერეული დამოკიდებულება ჰქონდათ საქართველოსადმი, ახლა ამბობენ, “ჩვენ რატომ უნდა გვადარდებდეს ეს”.

საქართველოს სჭირდება მოიკრიბოს პოლიტიკური კაპიტალი და ეს შეუძლია იმით, რომ დაუბრუნდეს რეფორმების გზას. არ მაინტერესებს ამას “ქართული ოცნება” გააკეთებს, “ნაციონალური მოძრაობა” თუ ვინმე სხვა. საქართველოს სჭირდება იმის ჩვენება, რომ მას აქვს მომავალი და არაა გახვეული პოსტსაბჭოთა ავტოკრატიაში, საითაც ბევრის აზრით, ქვეყანა მიექანება, – თქვა დენიელ ფრიდმა.

წინა სტატია“მე გავიგე, რომ იმან გაიგო – აი, ამ ჩვენებით ვარ გასამართლებული “- მიხეილ სააკაშვილი
შემდეგი სტატია29 ნოემბრის მონაცემებით, დადასტურდა კორონავირუსის 5 050 ახალი შემთხვევა, გარდაიცვალა 80 ადამიანი
ტელეკომპანია ოდიშის საინფორმაციო სამსახური