მესამე პრეზიდენტის ადვოკატის ბექა ბასილაიამ ჰოსპიტალის დატოვების შემდეგ განაცხადა, რომ მიხეილ სააკაშვილის მკაფიო პოზიციაა 29 ნოემბერს ჩანიშნულ სასამართლო პროცესს დაესწროს.
“ის ითხოვს პროცესზე დასწრების უფლების რეალიზაციას. მართალია, პოსტტრავმული სინდრომი სახეზეა და დღეს ის სუსტად გამოიყურებოდა, თუმცა ეს არ შეიძლება იყოს მისი სასამართლოში გადაყვანის დაბრკოლება. შესაბამისად, მის ავადმყოფობაზე მითითება არ იქნება სამართლებრივად საკმარისი საფუძველი.
ასევე ხელისუფლებამ შეიძლება თქვას, რომ აქცია არის დაანონსებული და ამიტომ არ გადაგვყავსო. ეს შეკრება არის უაღრესად მშვიდობიანი. მსგავსი შეკრებები იმართება სხვადასხვა ქვეყანაში, მაგრამ პროცესები მიმდინარეობს და ბრალდებული პირები ჩვეულებრივად ესწრებიან პროცესს.
ამიტომ, ეს მიზეზი იქნება ყურით მოთრეული და შიშის დემონსტრაცია ხელისუფლების მხრიდან.” – განაცხადა ბასილაიამ