სიმართლეა, რომ რუსეთს მრავალი ტერიტორია აქვს ოკუპირებული და მათი ძალები სხვადასხვა ადგილზე იმყოფება, საქმე ეხება საქართველოს, მოლდოვას და ცხადია, იმისთვის, რომ გრძელვადიანი მშვიდობა გვქონდეს, ისინი უნდა გავიდნენ ყველა იმ ოკუპირებული ტერიტორიიდან, სადაც იმყოფებიან. ზოგი ამბობს, რომ ეს მოთხოვნები არარეალისტურია, მაგრამ მოდით, გულწრფელები ვიყოთ, რუსების მხრიდან მოთხოვნები საერთოდ არ არის რეალისტური – ისინი დიპლომატიური გზით ითხოვენ მიწებს, რომლებიც სამხედრო გზითაც კი არ აქვთ დაპყრობილი. ჩვენი მიზანი მოლაპარაკებებზე მდგომარეობის დაბალანსება და იმ პრობლემაზე ყურადღების კონცენტრირებაა, რასაც მეზობელ ქვეყნებზე რუსეთის თავდასხმები წარმოადგენს.
განაცხადა საგარეო და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა ევროკავშირის საგარეო საქმეთა საბჭოს შეხვედრის დაწყებამდე “ევროსკოპის” კითხვაზე პასუხისას.