მოშიმშილეებმა ზუგდიდის საკრებულოს სხდომათა დარბაზში ლეიბები შეიტანეს [Video]

0
108

ზუგდიდის საკრებულოში ერთიანი ნაციონალური მოძრაობის ბრფინგი გაიმართა, სადაც ანი წითლიძემ ისაუბრა ხელისუფლების მიერ მთელი ქვეყნის მასშტაბით დაწყებულ არალეგიტიმურ პროცესზე საკრებულოებში.

წითლიძის თქმით, ზუგდიდში უკვე ვადაგასულმა საკრებულომ დაიწყო 2022 წლის ბიუჯეტის პროექტების განხილვა, რასაც ოპოზიციის პროტესტი მოჰყვა.
ერთიანი ნაციონალური მოძრაობის საკრებულოს წევრებმა, რომლებიც მესამე დღეა შიმშილობენ, ამჯერად გადაინაცვლეს საკრებულოს სხდომათა დარბაზში, სადაც წესით, უნდა განიხილონ 2022 წლის ბიუჯეტი.

ამ პროცესს კი ხმაური მოჰყვა: დაცვის წარმომადგელები ძალის გამოყენებით შეეცადნენ, ხელი შეეშალათ მოშიმშილეებისთვის აუცილებელი ნივთებები შეტანათ საკრებულოს სხდომათა დარბაზში.

ოპოზიციის თქმით, ხელისუფლების მიერ 2022 წლის ბიუჯეტის დაჩქარებულ განხილვას, მხოლოდ ერთი მიზეზი აქვს. მათ ეშინიათ, რომ საკრებულოში არ აქვთ უმრალესობა და ახალი საკრებულოს პირობებში ბიუჯეტის ორჯერ ჩავარდნას შეიძლება მოჰყვეს რიგგარეშე არჩევნები.

საკრებულოს შენობაში „ერთიანი ნაციონალური მოძრაობის” ფრაქციის ოთახში 15 ნოემბერს შიმშილობა დაიწყო ოთხმა ახლად არჩეულმა დეპუტატმა და ერთმა ექიმმა. ისინი სამოქალაქო კლინიკაში მიხეილ სააკაშვილის გადაყვანას ითხოვენ.

წინა სტატია18 ნოემბერს სოციალური მეწარმეობის რიგით მეათე ფორუმი გაიმართება [Video]
შემდეგი სტატია72 გარდაცვლილი და 4 732 ახალი შემთხვევა – 17 ნოემბრის კოვიდსტატისტიკა
ტელეკომპანია ოდიშის საინფორმაციო სამსახური