პატიმრობაში მყოფი კრიმინალური პოლიციის ხელმძღვანელის ყოფილი მოადგილე, ირაკლი ფირცხალავა და პოლიციის პოლკოვნიკი გიორგი ცააძე მიხეილ სააკაშვილს მხარდაჭერას უცხადებენ და მასთან ერთად შიმშილობას იწყებენ.
“მთავარ არხთან” სატელეფონო საუბარში ირაკლი ფირცხალავამ ეს გადაწყვეტილება გაახმიანა და აღნიშნა, რომ მისთვის დიდი პატივია, ისევ ქვეყნისთვის ბრძოლის წინახაზზე ყოფნა საქართველოს მესამე პრეზიდენტთან ერთად.
“ომის ვეტერანი პოლიციის პოლკოვნიკები, პუტინის და ივანიშვილის პირადი ტყვეები, გიორგი ცააძე და ირაკლი ფირცხალავა, სოლიდარობას ვუცხადებთ საქართველოს მესამე პრეზიდენტს, მიხეილ სააკაშვილს და ვიწყებთ მასთან ერთად შიმშილობას.
საქართველო არ იმსახურებს ჰყავდეს ხელისუფლება, რომელიც კრიმინალებს უდგამს ძეგლს ხოლო კანონიერ ქურდ ლავასოღლის, ხსნის ბორკილებს, ესკორტით აცილებს ევროპაში და იმავე ბორკილებს ადებს თანამედროვე სახელმწიფოს დამფუძნებელ პრეზიდენტს”,- განაცხადა ირაკლი ფირცხალავამ.
შეგახსენებთ, რუსთავის მე-12 დაწესებულებასთან მიხეილ სააკაშვილის მხარდამჭერი აქცია მიმდინარეობს.
“მესმის თქვენი ხმა საკანში” – მიხეილ სააკაშვილი ციხესთან შეკრებილ მხარდამჭერებს მიმართავს
