მთავარიUncategorized,,არავინ ჩამოუშვას ხელები! ყველამ ყველაფერი უნდა ჩავდოთ გამარჯვებაში, რომელიც არის ახლოს“- აცხადებს...

,,არავინ ჩამოუშვას ხელები! ყველამ ყველაფერი უნდა ჩავდოთ გამარჯვებაში, რომელიც არის ახლოს“- აცხადებს მიხეილ სააკაშვილი.

Published on

საქართველოს მესამე პრეზიდენტი მიხეილ სააკაშვილი წინასაარჩევნოდ საქართველოს მოქალაქეებს საკუთარი ფეისბუქგვერდის მეშვეობით მიმართავს და არჩევნებში მონაწილეობისკენ მოუწოდებს.

“მინდა მივმართო უცხოეთში მცხოვრებ ქართველებს. ახლა არის დრო, ვისაც შეგიძლიათ, ბილეთი აიღოთ და საქართველოში ჩახვიდეთ, ახლა წყდება საქართველოს ბედი. მე ეს ვიცი, იგივეს გაკეთებას ვაპირებ. მეორე, ვისაც არ შეუძლია იმის გამო, რომ დოკუმენტები არ აქვს წესრიგში, სამსახური არ აძლევს ამის საშუალებას, დაურეკეთ ახლობლებს და ნათესავებს, უთხარით, რომ ყველანი არჩევნებზე მივიდნენ. არავინ ჩამოუშვას ხელები! ეს არის გადამწყვეტი დრო! მეგობრებო, ის დროა, როდესაც ყველამ ყველაფერი უნდა გადავდოთ, ყველაფერი უნდა ჩავდოთ გამარჯვებაში, რომელიც არის ახლოს“- აცხადებს მიხეილ სააკაშვილი.

მისი თქმით,  “ქართული ოცნება” 43%-იან ბარიერს ვერ უახლოვდება და ხელისუფლებამ ეს საკუთარი შიდა კვლევებითაც კარგად იცის.

2 ოქტომბრის თვითმმართველობის არჩევნების მნიშვნელობა მიხეილ სააკაშვილის განცხადებით, საერთაშორისო პარტნიორებსაც კარგად აქვთ გააზრებული, რასაც ადასტურებს ევროპარლამენტიდან სადამკვირვებლო მისიის გამოგზავნაც . ეს არის ერთადერთი შემთხვევა ევროპაში, უახლეს ისტორიაში, როდესაც ევროკავშირი აკვირდება ფორმალურად ადგილობრივ არჩევნებს. მათ იციან, რომ ეს მხოლოდ ადგილობრივი არჩევნები არ არის – ეს არის რეფერენდუმი ხელისუფლების შეცვლის თაობაზე.

სააკაშვილი ოპოზიციას ძველი წყენების დავიწყებას ურჩევს და გაერთიანებისკენ მოუწოდებს.

ახლა ყველანაირი ძველი ქიშპობა, კბენები უნდა დავივიწყოთ, თუ, რა თქმა უნდა, ვიღაც პირდაპირ ივანიშვილზე არ მუშაობს და მისგან არ იღებს ამისთვის ანაზღაურებას. მაგრამ, უმრავლესობა ძალიან კარგი ხალხია, მე ძალიან მომწონს, მაგალითად, გირჩის ზურაბ ჯაფარიძის ხალხი. დიდი სიურპრიზია ჩემთვის, რომ ლეიბორისტებს ჰყავს ძალიან კარგი ახალგაზრდობა, ელენე ხოშტარიას ჰყავს კარგი ხალხი და უამრავი სხვა ჯგუფია, რომელიც არის ძალიან საინტერესო. რაც მთავარია, ჩნდება ახალი ხალხი და ეს არის ძალიან მისასალმებელი, რადგან ახალი ხალხი სჭირდება ყველა პოლიტიკურ ძალას, ყველას უკლებლივ. –  ამბობს მიხეილ სააკაშვილი და ოპოზიციას მიმართავს, რომ გარდამავალ პერიოდში აუცილებელია კოალიციური შეთანხმება შედგეს.

.

სიახლეები

როგორ მოქმედებს? — ტკივილის შემსუბუქებიდან გულის შეტევის პრევენციამდე

ასპირინი ანთების საწინააღმდეგო არასტეროიდული საშუალებაა, რომელიც აქტიური ნივთიერების სახით აცეტილსალიცილის მჟავას შეიცავს. პრეპარატს მრავალმხრივი...

“ოცნებამ” უნდა შეწყვიტოს რუსეთის ხელისუფლების მსგავსად მოქმედება-კრამერი

„ქართული ოცნების“ ქმედებები კრემლის სახელმძღვანელოდანაა და საქართველო ავტორიტარული მმართველობისკენ მიჰყავს - ამის შესახებ დევიდ...

პოლიციელ ბიძინა ჟამერაშვილის საჩივრის საფუძველზე, სამოქალაქო აქტივისტ ალბი კორძაიას 5 დღიანი პატიმრობა მიუსაჯეს

პოლიციელ ბიძინა ჟამერაშვილის საჩივრის საფუძველზე, სამოქალაქო აქტივისტ ალბი კორძაიას 5 დღიანი პატიმრობა მიუსაჯეს -...

ევროპა რუსეთის წინააღმდეგ ბოლო სამ წელში სანქციების ყველაზე მკაცრ პაკეტს ამზადებს-საფრანგეთის საგარეო საქმეთა მინისტრი

საფრანგეთის საგარეო საქმეთა მინისტრის ჟან-ნოელ ბაროს განცხადებით, ევროკავშირი რუსეთის წინააღმდეგ ყველაზე მკაცრი სანქციების ახალ...