ზემო სვანეთისა და იმერეთის მხარეებში პოლიციამ საბრძოლო იარაღი და მასალები ამოიღო. მესტიის, სამტრედიისა და წყალტუბოს მუნიციპალიტეტებში დაკავებულია სამი პირი.
როგორც შსს იტყობინება, ამოღებულია “ნაგანის” სისტემის ცეცხლსასროლი რევოლვერი, კალაშნიკოვის სისტემის 1 ავტომატური ცეცხლსასროლი იარაღი, “მაკაროვის” სისტემის ცეცხლსასროლი იარაღი, 2 მჭიდი და 10 საბრძოლო ვაზნა.
დაკავებულებს ბრალად ედებათ ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარება.
დანაშაული 3-დან 6 წლამდე ვადით თავისუფლების აღკვეთას ითვალისწინებს.