საბერძნეთის ქალაქ სალონიკში მომხდარი მკვლელობის შესახებ ახალი დეტალები ხდება ცნობილი – მოკლულია 56 წლის საქართველოს მოქალაქე ელენე ხალამიდი. მკვლელობაში ბრალდებული 55 წლის კაცი პოლიციამ მომხდარი დანაშაულიდან რამდენიმე საათში დააკავა. ამ დროისთვის ცნობილია, რომ ისიც საქართველოს მოქალაქეა.
პოლიციამ ამოიღო მკვლელობის იარაღი – დანა, რითაც კაცმა ქალს დაზიანებები მიაყენა, მათ შორის, სასიკვდილო. როგორც მეზობლები ამბობენ, ქალი ოჯახში დამხმარედ მუშაობდა, კაცი კი მშებნებლობაზე იყო დასაქმებული, თუმცა, ალკოჰოლდამოკიდებულების გამო ხშირად რჩებოდა უმუშევარი.
მეზობლებისვე თქმით, ქალსა და კაცს შორის კამათიც სწორედ ამ ნიადაგზე ხდებოდა, რადგან ქალი კაცის ცხოვრების წესით უკმაყოფილო იყო. მკვლელობასაც წინ სწორედ კამათი უძღოდა:
“დაახლოებით ნახევარი საათის განმავლობაში კამათობდნენ, ბოლოს ქალის ხმა ისმოდა, გთხოვ, ნუ მომკლავო… მერე ეს კაცი აივნიდან გადმოხტა, ხელები სისხლიანი ჰქონდა”, – ამბობს თვითმხილველი.