სააგენტო „ანადოლუს” ცნობით, უხვმა ნალექმა თურქეთის ზოგიერთ რაიონში წყალდიდობა და მეწყერი გამოიწვია.
ქვეყნის ჩრდილოეთში, შავი ზღვის სანაპიროზე მდებარე პროვინციებში წყალდიდობის შედეგადი 1 ადამიანი დაიღუპა, 1 დაკარგულად ითვლება და 13 დაშავდა.
სინოპის, ბარტინის და კასტამის პროვინციებში დანგრეული, ან დაზიანებულია საცხოვრებელი სახლები, საწარმოები, გზები, ხიდები და ელექტროგადამცემი ხაზები.
სინოპის პროვინციაში აუცილებელი გახდა ერთ-ერთი კლინიკის პაციენტების და მედპერსონალის ევაკუაცია. მოსახლეობა ევაკუირებულია სტიქიის ზონაში მდებარე არაერთი სოფლიდანაც.
თურქეთი უკვე ორ კვირაზე მეტია ტყის ხანძრებსაც ებრძვის ქვეყნის სამხრეთ-დასავლეთში. მთავრობის ინფორმაციით, 53 პროვინციაში 288 ხანძრიდან კონტროლს ექვემდებარება 285. მასშტაბური ხანძრის გამომწვევ მიზეზებად ჰაერის მაღალ ტემპერატურასთან ერთად ასახელებენ ცეცხლის კერების განზრახ გაჩენასაც. თურქეთის პოლიციამ რამდენიმე ეჭვმიტანილი დააკავა.